انواع طرق اللعب - المقاومات اشهر مود يحبه لاعبينا ومتأكدين بتعجبك, التحدي فيها قوي وعلى لفل "مستوى" عالي خصوصاً في البطولات اليومية, جوائز رهيبة وكثيرة. التطعيس المفتوح يعطيك حرية الغوص في الطعوس مع الهوك تصيد لك كنز في الصحراء أو تسحب اصدقائك الي متورطين. تحدي العلم امتع مود خفيف وبسيط فكرته انك تنحاش عن العلم وماتخلي احد يلصقه فيك, يفتح المود بمناسبات معينة ولفترة محدودة. تحدي المراقي للعّيب وبس, ترقى الطعوس بأقل وقت ممكن واقوى عزم. بطولة النوادي مقاومات صعبة بين عمالقة نوادي كنق التطعيس و برعاية اعضاء التميز المعروفين. حبينا نرفع مستوى الواقعيه بلوح سيارات مميزة تبيعها بالمزاد! هل انت قد التحديات والمتعة هذي كلها وتقدر عليها؟

الماب والأجواء - تختار تكون بين النفود الطعس الكبير, السيل, الطريق السريع, طريق السفر او الدائري. اختيارك بين النهار او الليل, مطر او شمس الصيف.

مجتمع تواصل قوي - تواصل مع مايقارب ١٥ مليون لاعب من خلال الشات العام او الدردشة الصوتية على سيرفر خاص موجودين بكل واي وقت واي مكان, تعرف على اصدقاء جدد, ضيف او ابحث عن طريق الاي دي للحساب. تقدر تسوي لك نادي خاص فيك و بأعضاء من اختيارك "ركز على عدد الفوزات بالاختيار" او المتصدرين دايم في اللوحة. تقدر ايضا تعطي اللاعبين لايك "اعجاب" على الكراج\الحساب لو عجبك او تبي تعزز له. شارك صورة لأي سيارة من كراجك عن طريق القائمة الرئيسية وارسل رمزك "الكود" لأكبر عدد من اللاعبين لتفعيل خاصية "شارك و اكسب" اول ما يفعل رمزك "الكود" تحصل على مفاتيح وقروش مجانية!. عشان تكون عضو من اعضاء التميز الي لهم خدمات خاصة مثل الدعم الفني ورعاية البطولات, ختم اللعبة و اهدِ اصدقاء كثير!

المزاد - اي احد يقدر يشارك فيه، المزاد على لوح السيارات الفريدة، تساوم على لوحه مميزه وتشتري لوحة خاصه فيك ولو انت عضو تميز نسوي لك لوحة باختيارك والبيع لأعلى سومة في المزاد! وشرائها بالمفاتيح يعني فرصه مفتوحه فعلياً للكل!

مهام يومية - استمتع بتحديات يومية تكسب منها نقاط اكس بي "نقاط الخبرة" او قروش او مفاتيح, تساعدك ترفع مستواك "اللفل" او تزيد طناخة.

هدايا يومية - كل يوم بتسجيل دخولك تحصل على: معزز سرعة \مفاتيح \ نقاط الخبرة "اكس بي" \ أجزاء خارجية, ونهاية اكمالك اسبوع تحصل على سيارة!